Akademia e Notit Te Stela, 116 medalje në Kampionatin Kombëtar të Fëmijëve
Akademia e Notit “Te Stela” vazhdon me fitore absolute në kampionatet shqiptare të notit.
Fundjavën e kaluar më 2-3 Shtator 2023 u zhvillua Kampionati Kombëtar për Fëmijë i organizuar nga Federata Shqiptare e Notit.Akademia e Nortit “Te Stela” u shpall kampione absolute në këtë kompeticion duke fituar 116 medalje në total.Për femra, notaret e Akademisë fituan 31 Vende të Para, 10 Vende të Dyta dhe 6 Vende të Treta.
Në Kategorinë A për femra, notaret e “Te Stela” fituan 9 Medalje Ari, 1 Argjendi dhe 1 Bronzi.
Në Kategorinë B, notaret fituan 12 Medalje Ari; 8 Argjendi dhe 5 Bronzi. Në Kategorinë C, notaret e vogla fituan 10 Medalje Ari dhe 1 Argjendi.
Për meshkuj, notarët e vegjël fituan 26 Vende të Para, 25 Vende të Dyta dhe 13 Vende të Treta.
Në Kategorinë A, notarët fituan 9 Medalje Ari; 9 Argjendi dhe 6 Bronzi. Në Kategorinë B, fituan 11 Medalje Ari; 6 Argjendi dhe 5 Brozni. Në Kategorinë C, notarët e vegjël fituan 6 Medalje Ari, 10 Argjendi dhe 2 Bronzi.
Notarët më të mirë të Kampionatit sipas kategorive:
Kategoria C – Leon Hoxha; Sibora Dusha
Kategoria B – Luna Diarmati; Drin Karanxha
Kategoria A – Arla Dermishi
Akademia e Notit Te Stela, Shtëpia e Kampionëve vazhdon drejt medaljeve dhe rekordeve të radhës.

Kampionati Shqiptar i Notit për Fëmijë/ Akademia e Notit “Te Stela” fiton 121 medalje   

Kampionati Shqiptar i Notit për Fëmijë u zhvillua Te Stela Resort më 13-15 Maj 2022.

Akademia e Notit “Te Stela” vazhdon traditën duke u shpallur kampione absolute për meshkuj dhe për femra. Në këtë kampionat, notarët e Akademisë sonë siguruan:

65 vende të para

32 vende të dyta

24 vende të treta

Gjithashtu, u regjistruan edhe 9 Rekorde Kombëtare, nga të cilat 5 ekipore dhe 4 individuale

Arla Dermishi – Notarja më e mirë për Kategorinë B

Evie Asllanaj – Notarja më e mirë për Kategorinë C

Albi Deda – Notari më i mirë për Kategorinë C

Tradita vazhdon…

Akademia e Notit “Te Stela” fiton 26 medalje në eventin ndërkombëtar “Delfin Cup”    

Akademia e Notit “Te Stela” shkëlqen në eventin “Delfin Cup” të zhvilluar në Shkup duke vazhduar traditën e paraqitjeve dinjitoze dhe përmirësimit të rezultateve në kompeticionet ndërkombëtare. Në këtë event, “A.N. Te Stela” u përfaqësua me notarë të moshave të vogla dhe të rinj, të cilët fituan 26 medaje në total, nga të cilat 14 medalje ari, 5 medalje argjendi dhe 7 medalje bronzi.

Notarja Arla Dërmishi ka thyeje 2 rekorde kombëtare për moshat 11-12 vjeç në stilin “Flutur” 50 & 100 m. Notari Mark Ducaj u shpall “Notari më i mirë” i të gjithë aktivitetit. Gjithashtu, Ducaj vendosi 3 rekorde kombëtare për të Rritur në “Stilin e lirë” 200, 400 & 800 m.

Akademia e Notit “Te Stela” falënderon të gjithë notarët për arritjen e këtyre rezultateve shumë të mira si edhe trajnerët Sadik Mema dhe Eduart Cane për punën e palodhur që bëjnë çdo ditë.

Vazhdojmë përpara drejt sukseseve të radhës…

Një vit pa Klavio Meça!

Federata Shqiptare e Notit organizoi në ambientet e Te Stela Sport Center aktivitetin “Kupa Klavio Meça”.

Familjarë, miq, trajnerë dhe notarë nga e gjithë Shqipëria kujtuan të përlotur kampionin Klavio Meça. Ai ishte simbol i punës, sakrificës dhe i njeriut të mirë që do të shërbejë për të gjithë ata që e ushtrojnë këtë sport. Rekordmen absolut në 100, 200, 400, 800, 1500 metra stil i lirë. Gjithashtu, ishte rekordmen në 400 m stil i lirë në Kampionatin Botëror të Notit të zhvilluar në Budapest në vitin 2017. “Kupa Klavio Meça” do të zhvillohet çdo vit për të kujtuar emrin e një kampioni që nuk do të harrohet asnjëherë.

Zhvillohet Te Stela Resort aktiviteti përkujtimor Kupa “Ilir Gjebrea”

Te Stela Resort dhe Akademia e Notit Te Stela vazhdojnë të kontribuojnë maksimalisht në zhvillimin dhe promovimin e sportit të notit. Gjithashtu, Te Stela Resort është kthyer në një “shtëpi” për aktivitetet e notit. Një prej tyre ishte edhe aktiviteti përkujtimor Kupa “Ilir Gjebrea”, në kujtim të Mjeshtrit të Madh të notit, i cili u nda nga jeta një vit më parë për shkak të Covid-19.

Aktiviteti u organizua nga Shoqata Kombëtare e Veteranëve të Notit në bashkëpunim me Te Stela Resort dhe RTSH Sport, ndërsa morën pjesë notarë veteranë nga e gjithë Shqipëria dhe Kosova, si edhe notarë të Akademisë së Notit Te Stela, për të nderuar figurën e “Mjeshtrit të Madh”, Ilir Gjebrea. Shoqata Kombëtare e Veteranëve të Notit i ka akorduar një Çertifikatë Mirënjohje ish-kampionit Gjebrea me motivacionin: “për kontributin e shquar në sportin e notit në Shqipëri nëpërmjet rezultateve të shkëlqyera të notit duke shërbyer si model i brezave.

Gjebrea ka qenë një nga rekordmenët e notit që ka garuar kryesisht në 100 dhe 200 metra dhe njihej me nofkën “peshkaqeni”.